ឪពុកប្រាថ្នាឱ្យកូនបានចូលដល់សេចក្តីល្អ
១០ ការនេះ
១ កូនត្រូវជាអ្នកមានសីលធម៌ប្រចាំខ្លួន
២ កូនត្រូវស្វែងរកការចេះដឹងមកដាក់ខ្លួន
៣ កូនត្រូវគប់រកតែជាមួយមិត្តពិតប្រាកដ
៤ កូនត្រូវជាមនុស្សប្រដៅងាយ
៥ កូវត្រូវចេះជួយកិច្ចការអ្នកដទៃ
៦ កូនត្រូវចេះស្រឡាញ់ធម៌សប្បុរស
៧ កូនត្រូវមានព្យាយាមដោយអំណត់អត់ធន់
៨ កូនត្រូវសន្តោសចំពោះបច្ច័យ៤
៩
កូនត្រូវមានស្មារតីដឹងមុខនាទីរបស់ខ្លួន
១០ កូនត្រូវដឹងសេចក្តីពិតរបស់ជីវិត
គឺត្រូវដឹងថាគ្រប់ជីវិតដែលកើតមកហើយរមែងបែកធ្លាយជាធម្មតាទើបមិនគួរប្រមាទក្នុងជីវិត
និងត្រូវរកផ្លូវឱ្យបានផុតទុក្ខដោយការប្រព្រឹត្តតែអំពើល្អ ។
មនុស្សគ្រប់រូបដែលកើតមកក្នុងលោក
រមែងមានការទាក់ទងគ្នាដោយពាក្យនិយាយ ពាក្យនិយាយមានអំណាចដ៏ក្រៃលែង កូនត្រូវយល់ដូចតទៅ
១ ពាក្យនិយាយអាចដូរផ្លាស់ហេតុអាក្រក់
ឱ្យក្លាយមកជាហេតុល្អបាន ។
២
ពាក្យនិយាយអាចដូរផ្លាស់មនុស្សដែលមានទុក្ខឱ្យភ្លេចទុក្ខបាន ។
៣ ពាក្យនិយាយអាចដូរផ្លាស់មនុស្សខ្ជិល
ឱ្យមកជាអ្នកមានព្យាយាយបាន ។
៤ ពាក្យនិយាយអាចដូរផ្លាស់មនុស្សល្ងង់
ឱ្យមកជាមនុស្សឆ្លាតបាន។
៥ ពាក្យនិយាយអាចដូរផ្លាស់មនុស្សដែលកំពុង
មានកង្វល់ ឱ្យជាមនុស្សស្ងប់បាន ។
៦ ពាក្យនិយាយអាចដូរផ្លាស់មនុស្សចចេសរឹងរូស
ឱ្យត្រឡប់មកជាមនុស្សប្រដៅងាយបាន ។
៧ ពាក្យនិយាយអាចដូរផ្លាស់មនុស្សដែលខូចសតិ
ឱ្យមានសតិវិញបាន ។
៨ ពាក្យនិយាយអាចដូរផ្លាស់មនុស្សឈ្លោះគ្នា
ទៅជាល្អនឹងគ្នាបាន ។
ចំពោះពាក្យនិយាយនេះ
រមែងមានអំណាចដូចគ្នាដែរ គឺអាចនិយាយឱ្យមនុស្សខូចប្រយោជន៍
និយាយទម្លាយនូវសេចក្តីសុខចម្រើនរបស់អ្នកដទៃ បានគ្រប់យ៉ាងដូច្នេះ
កូនត្រូវបដិបត្តិក្នុងការនិយាយឱ្យបានហ្មត់ចត់ កូនត្រូវហាត់និយាយនៅក្នុងវាចាល្អ ៥
យ៉ាង
១ និយាយពាក្យពិត មិននិយាយឡេះឡោះ
២ និយាយពាក្យពីរោះ មិននិយាយញុះញង់
៣ និយាយត្រឹមត្រូវតាមកាលោៈទេសៈ
៤ និយាយឱ្យបានប្រយោជន៍ដល់អ្នកស្តាប់
៥ និយាយដោយចិត្តមេត្តា ប្រាថ្នាឱ្យអ្នកដទៃបាននូវសេចក្តីសុខ
ឬនិយាយដោយចិត្តសប្បុរស សោ្មះត្រង់មិននិយាយបៀប ព្រូសពិសដាក់អ្នកដទៃឡើយ ។
0 comments:
แสดงความคิดเห็น